1 . Cia li muab tej lus tseeb los ua siv sia , 2 . Muab kev ncajncees los ua daim hlau npog hauvsiab . 3 . Muab lub siab kublug qhia   Txojmoo   zoo uas hais txog txojkev haumxeeb los ua khau rau . 4 . Yuav tsum niajhnub tuav   kev   ntseeg ntis nej ib yam li nej tuav daim   hlau   ntis , nej thiaj yuav ua tau rau dab ntxwgnyoog xibxub hluavtaws tuag. 5 . Muab txojkev dim txim uas Vajtswv pub rau nej ntoo ib yam li ntoo lub kausmom hlau . 6 . Muab Vajtswv txojlus uas Vajtswv tus Ntsujplig pub rau nej coj los ua rab ntaj . 7 . Ib puas tsav yam uas nej ua no nej yuav tsum thov Vajtswv pab nej. (Efexaus 6:10-20)

1 . Txhua tus yuav tsum hais lus tseeb rau cov ntseeg, rau qhov peb puavleej koom Yexus Khetos lub cev. 2 . Yog thaum twg nej chim, nej tsis txhob pub nej txojkev chim ua rau nej ua txhaum, thiab tsis txhob chim tas hnub. Tsis txhob pub dab ntxwgnyoog muaj chaw ntxias nej. 3 . Tus uas ib txwm qee luag tug tsis txhob qee lawm. Nws khwv ntawm nws tes zoo dua, nws thiaj li yuav muaj ub muaj no pab cov neeg pluag. 4 . Nej tsis txhob hais lus twm luag ib zaug li. 5 . Nej yuav tsum hais tej lus zoo txhawb luag lub siab, lub ntsws xwb thiaj li muaj nujnqis rau cov mloog. 6 . Nej tsis txhob ua rau Vajtswv tus Ntsujplig tu siab, rau qhov Vajtswv tus Ntsujplig yog Vajtswv lub cim uas Vajtswv muab nias rau nej cov uas yog Vajtswv tug, ua puavpheej rau sawvdaws paub hais tias, muaj ib hnub twg Vajtswv yuav tso nej dim plaws txojkev txhaum. 7 . Nej yuav tsum muab nej lub siab phem, lub siab ua nruj ua tsiv, thiab lub siab heev tso povtseg. 8 . Tsis txhob sib cav sib ceg, thuam lwm tus, thiab tsis txhob xav ib yam phem kiag li. Tiamsis nej yuav tsum muaj lub siab dawb, siab zoo ib leeg hlub ib leeg, thiab ib leeg zam txim rau ib leeg ib yam li Yexus Khetos twb ua rau Vajtswv zam txim rau nej lawm. (Efexaus 4:25-32)

1. Nej yuav tsum pe kuv tib leeg xwb, tsis txhob pe ib tug timtswv twg. 2. Nej yuav tsum saib hnubcaiv ua kuv hnub tseemceeb. 3. Nej yuav tsum hwm nej niam nej txiv 4. Nej tsis txhob puab mlom rau nej pe. 5. Nej tsis txhob muab kuv lub npe coj mus xyav ua si. 6. Nej tsis txhob tua neeg. 7. Nej tsis txhob ua plees ua yig nrog luag tej pojniam tejtxiv kiag li. 8. Nej tsis txhob ua tubsab tubnyiag. 9. Nej tsis txhob ua timkhawv tsis tseeb nkaug tej neeg zejzog rau leejtwg. 10. Nej tsis txhob ntshaw luag vaj luag tsev, luag poj luag sev, luag tubmab tubqhe, luag tsiaj luag txhuv, lossis luag ib yam dabtsi twg hlo li.

1. Tsis muaj leejtwg thuam tau 2. Nws mua ib tug pojniam xwb 3. Nws xyuamxim 4. Nws txawj tswj nws lub siab 5. Nws paub cai 6. Nws nyiam qhua 7. Nws txawj qhuabqhia. 8. Tsis yog neeg quavcawv lossis neeg siab heev, tiamsis 9. Muaj lub siab ntev tsis nyiam sib cav sib ceg, 10. Tsis ntshaw nyiajtxiag, 11. Txawj tswjhwm nws tsevneeg, 12. Paub qhuabntuas nws tej menyuam hwm nws thiab mloog nws lus. 13. Uas cov tsis ntseeg puavleej hwm thiab, nws thiaj li yuav tsis poob ntsejmuag, thiab tsis mag dab ntxwgnyoog lub vojhluas. 14. Tsis txhob muab tus uas nyuamqhuav los ntseeg tshiab tshiab tsa ua tus saib xyuas cov ntseeg, nyob tsam nws khavtxiv thiab raug txim ib yam nkaus li dab ntxwgnyoog raug.

(1 Timautes 3:2-7)

Yuav tsum yog tus:

1. Lub neej yuav tsum zoo ib yam nkaus li tus uas saib xyuas cov ntseeg lub neej thiab. 2. Lawv yuav tsum yog cov uas coj cujpwm zoo, 3. Tsis muaj ob lub siab, 4. Tsis yog neeg quavdej quavcawv, 5. Tsis yog neeg ntshaw nyiajtxiag, 6. Muaj lub siab ncajncees npuab rawv tej lus uas Vajtswv qhia hais txog peb kev ntseeg, 7. Yuav tsum yog cov uas muaj ib tug pojniam xwb 8. Txawj tswjhwm lawv tsevneeg. Lawv tej pojniam 1. Yuav tsum coj lub neej zoo ib yam li lawv lub thiab. 2. Yuav tsum yog cov uas xyuamxim tsis nyiam taugxaiv 3. Yuav tsum yog cov ua ib puas tsav yam ncajncees.

(1 Timautes 3:8-13)

Cov neeg pab cov ntseeg ua Vajtswv txoj haujlwm yuav tsum yog cov uas: