17 Ahaxaiyas tuag raws li tej lus uas tus TSWV kom Eliyas qhia tseg. Ahaxaiyas tsis muaj tub, Yog li ntawd, nws tus kwv Tsaulas thiaj li sawv ua vajntxwv hloov nws chaw. Thaum Yehauxafas tus uas yog vajntxwv kav Yudas tebchaws, tus tub Tsehaulas sawv ua vajntxwv kav tau ib xyoos lawm, xyoo ob Tsaulas sawv ua vajntxwv kav.

Thaum Yehauxafas ua vajntxwv kav Yudas tebchaws tau kaumxya xyoo, xyoo kaumyim, Ahaj tus tub Tsaulas sawv ua vajntxwv kav Ixayees tebchaws. Nws nyob hauv lub nroog Xamalis kav tau kaum ob xyoos. (nqi sauv twb hais tias nws tsis muaj tub es Tsaulas uas yog vajntxwv Ahaj tus kwv thiaj li los kav. Ua cas nqi no ho hais tias Tsaulas yog vajntxwv Ahaj tus tub?)

24Thaum Tsehaulas tuag, luag muab nws lub cev faus tseg cia rau hauv tej vajntxwv lub toj ntxas hauv Daviv lub nroog. Nws tus tub Ahaxaiyas sawv ua vajntxwv hloov nws chaw. 25Thaum Ahaj tus tub Tsaulas ua vajntxwv kav Ixayees tebchaws tau kaum ib xyoos, xyoo kaum ob Tsehaulas tus tub Ahaxaiyas sawv ua vajntxwv kav Yudas tebchaws. 26Thaum ntawd Ahaxaiyas hnubnyoog muaj neesnkaum ob xyoos. Nws nyob hauv lub nroog Yeluxalees kav tau ib xyoos. Nws niam npe hu ua Athalaiyas uas yog vajntxwv Ahaj tus ntxhais, thiab yog vajntxwv Aulis uas kav Ixayees tebchaws tus ntxhais xeebntxwv. 27Vim Ahaxaiyas yog vajntxwv Ahaj tus vauv, nws thiaj ua txhaum tawmtsam tus TSWV ib yam nkaus li Ahaj tsevneeg ua.

Thaum Ahaxaiyas tus tub Yau-as ua vajntxwv kav Yudas tebchaws tau neesnkaum ob xyoo, xyoo neesnkaum peb Yehus tus tub Yehau-ahas sawv ua vajntxwv kav Ixayees tebchaws. Nws nyob hauv lub nroog Xamalis kav tau kaumxya xyoo. 2 Nws ua txhaum tawmtsam tus TSWV, thiab coj ib tsoom neeg Ixayees ua txhaum ib yam nkaus li vajntxwv Yelaunpau-as tus uas xub ua vajntxwv ua ntej nws. Nws tsis tso nws tej kev txhaum tseg hlo li. 3 Tus TSWV thiaj chim rau ib tsoom neeg Ixayees, thiab cia vajntxwv Haxa-ees uas kav Xilias tebchaws, thiab Haxaees tus tub Npehadas tuaj tua yeej cov neeg Ixayees ntau zaus. 4 Yehau-ahas tsa ncauj thov tus TSWV. Tus TSWV pom tej uas tus vajntxwv kav Xilias tebchaws tsimtxom cov neeg Ixayees heev kawg li, tus TSWV thiaj teb Yehau-ahas tej lus thov. 5 Tus TSWV tsa ib tug thawjcoj sawv cawm cov neeg Ixayees dim cov neeg Xilias lub xibteg. Cov neeg Ixayees thiaj li nyob thajyeeb ib yam li yav nramntej.

20-21 Vajntxwv   Yau-as    cov    tubteg    tubtaw    ntxeev    siab    rau    nws,    lawv    cov ntawd   muaj   ob   tug   npe   hu   li   no,   Sime-as   tus   tub   Yauxakas,   thiab   Saumaws tus   tub   Tsehauzanpas,   nkawd   tua   nws   ntawm   ib   lub   tsev   uas   luag   ua   rau ntawm   qhovchaw   luag   txhub   av   sab   ntug   nroog   Yeluxalees   phab   hnub   tuaj, txojkev   uas   mus   nram   lub   nroog   Xailas.   Luag   muab Yau-as   lub   cev   faus   rau hauv   tej   vajntxwv   lub   toj   ntxas   hauv   Daviv   lub   nroog.   Yau-as   tus   tub Amaxiyas sawv ua vajntxwv hloov nws chaw.

Thaum Yehus ua vajntxwv kav Ixayees tebchaws tau rau xyoo, xyoo xya Yau-as sawv ua vajntxwv kav Yudas tebchaws. Nws nyob hauv lub nroog Yeluxalees kav tau plaubcaug xyoo. Nws niam npe hu ua Zinpiyas uas yog cov neeg nyob hauv lub nroog Npesenpas. 2 Yau-as ua haum tus TSWV siab tas Yau-as tiamneej, rau qhov Yehauyadas uas yog tus povthawj cobqhia nws. 3 Tiamsis nws tsis rhuav tej chaw teev dabqhuas povtseg, cov pejxeem tseem pheej tua tsiaj txi, thiab hlawv xyab rau hauv tej chaw ntawd.

12 Tomqab ntawd Yehauyadas coj Yau-as tawm los, nws muab lub kauj kub rau Yau-as ntoo, thiab muab ib phau kevcai uas vajntxwv yuav tsum coj cob rau Yau-as. Nws muab roj hliv ywg, thiab qhia rau sawvdaws paub hais tias, Yau-as yog vajntxwv. Tej neeg npuaj teg thiab qw nrov nrov hais tias, Thov kom vajntxwv vammeej mus txhiab niaj puas xyoo. 21 Yau-as sawv ua vajntxwv kav Yudas tebchaws thaum nws hnubnyoog muaj xya xyoo .

Thaum Yehau-ahas tus tub Yehau-as ua vajntxwv kav Ixayees tebchaws tau ib xyoos, xyoo ob Yau-as tus tub Amaxiyas sawv ua vajntxwv kav Yudas tebchaws. 2 Thaum ntawd Amaxiyas hnubnyoog muaj neesnkaum tsib xyoos. Nws nyob hauv lub nroog Yeluxalees kav tau neesnkaum cuaj xyoos. Nws niam npe hu ua Tsehau-adis uas yog cov neeg nyob hauv lub nroog Yeluxalees.

17 Thaum vajntxwv Yehau-as tus uas kav Ixayees tebchaws tuag lawm, vajntxwv Amaxiyas tus uas kav Yudas tebchaws tseem ua neej nyob kaumtsib xyoos ntxiv.

21Cov neeg Yudais tsa Amaxiyas tus tub Uxaiyas sawv ua vajntxwv. Thaum ntawd Uxaiyas hnubnyoog muaj kaumrau xyoo.

Thaum Yelaunpau-as ob ua vajntxwv kav Ixayees tebchaws tau neesnkaum rau xyoo, xyoo neesnkaum xya Amaxiyas tus tub Uxaiyas sawv ua vajntxwv kav Yudas tebchaws. 2 Thaum ntawd Uxaiyas hnubnyoog muaj kaumrau xyoo. Nws nyob hauv lub nroog Yeluxalees kav tau tsibcaug ob xyoos. Nws niam npe hu ua Tsekhaulaiyas uas yog cov neeg nyob hauv lub nroog Yeluxalees. 3 Nws ua tej uas haum tus TSWV siab ib yam nkaus li nws txiv ua. 4 Tiamsis nws tsis rhuav tej chaw teev dabqhuas povtseg, tej neeg tseem pheej tua tsiaj txi, thiab hlawv xyab rau tej chaw ntawd. 5 Tus TSWV ua rau Uxaiyas mobruas mus tas nws simneej. Nws nyob hauv lub tsev uas luag ua rau ib cag nraud, nws tus tub Yauthas tuav tagnrho tej haujlwm hauv vaj hauv tsev, thiab tswjhwm tebchaws.

32 Thaum Lemaliyas tus tub Npekhas ua vajntxwv kav Ixayees tebchaws tau ib xyoos, xyoo ob Uxaiyas tus tub Yauthas sawv ua vajntxwv kav Yudas tebchaws. 33 Thaum ntawd Yauthas hnubnyoog muaj neesnkaum tsib xyoos. Nws nyob hauv lub nroog Yeluxalees kav tau kaumrau xyoo. Nws niam yog Zados tus ntxhais npe hu ua Tselusas. 34 Yauthas ua tej uas haum tus TSWV siab ib yam nkaus li Uxaiyas uas yog nws txiv ua. 35 Tiamsis nws tsis rhuav tej chaw teev dabqhuas povtseg, tej neeg tseem pheej tua tsiaj txi, thiab hlawv xyab rau tej chaw ntawd. Yauthas yog tus uas ua lub Tuamtsev lub qaum roojloog.

8 Thaum Uxaiyas ua vajntxwv kav Yudas tebchaws tau pebcaug xya xyoo, xyoo pebcaug yim, Yelaunpau-as ob tus tub Xekhalaiyas sawv ua vajntxwv kav Ixayees tebchaws. Nws nyob hauv lub nroog Xamalis kav tau rau hli. 9 Nws ua txhaum tawmtsam tus TSWV ib yam nkaus li tej vajntxwv uas xub ua vajntxwv ua ntej nws lawm ua. Nws ua tej kev phem ib yam li Nenpas tus tub Yelaunpau-as tus uas coj ib tsoom neeg Ixayees mus ua txhaum ua. 10 Yanpej tus tub Saloos tuavhauv tua vajntxwv Xekhalaiyas povtseg. Nws nyas tua Xekhalaiyas hauv lub nroog Eelias, nws sawv ua vajntxwv kav tebchaws hloov Xekhalaiyas.

14 Kadis tus tub Menahees   tawm hauv lub nroog Thizas mus nyas tua Saloos povtseg hauv lub nroog Xamalis, nws sawv ua vajntxwv hloov Saloos chaw. 17 Thaum Uxaiyas ua vajntxwv kav Yudas tebchaws tau pebcaug yim xyoo, xyoo pebcaug cuaj Kadis tus tub Menahees sawv ua vajntxwv kav Ixayees tebchaws. Nws nyob hauv lub nroog Xamalis kav tau kaum xyoo. 18 Nws ua txhaum tawmtsam Vajtswv, nws coj cujpwm phem ib yam li Nenpas tus tub Yelaunpau-as, tus uas coj ib tsoom neeg Ixayees mus ua txhaum tus cujpwm, mus tas nws simneej.

23 Thaum Uxaiyas ua vajntxwv kav Yudas tebchaws tau plaubcaug cuaj xyoos, xyoo tsibcaug Menahees tus tub Npekhahias sawv ua vajntxwv kav Ixayees tebchaws. Nws nyob hauv lub nroog Xamalis kav tau ob xyoos. 24 Nws ua txhaum tawmtsam tus TSWV, nws coj cujpwm phem ib yam li Nenpas tus tub Yelaunpau-as uas coj ib tsoom neeg Ixayees mus ua txhaum tus cujpwm. 25 Lemaliyas tus tub Npekhas uas yog Npekhahias ib tug thawj tubrog nrog tsibcaug leej neeg uas tuaj hauv Kile-as tebchaws tuaj, tuavhauv tua Npekhahias povtseg hauv qhovchaw ruaj khov kho hauv vajntxwv nruabnrog tsev hauv lub nroog Xamalis, nws sawv ua vajntxwv hloov Npekhahias.