15Ua ntej hnub uas Xa-us tseem mus tsis tau txog lub nroog ntawd, tus TSWV hais rau Xamuyees hais tias, 16Tagkis lub caij no kuv yuav txib ib tug neeg uas yog xeem Npeyamis tuaj cuag koj. Koj cia li muab roj ywg nws, tsa nws ua tus kav kuv haivneeg Ixayees. Nws yuav cawm lawv dim cov neeg Filitees lub xibteg. Kuv pom kuv haivneeg raug kev txomnyem, kuv twb hnov tej lus uas lawv thov kuv pab lawv lawm.

9 Anaws, uas yog vajntxwv Xa-us tus thawj tubrog, tsa Inposes, tus uas yog vajntxwv Xa-us ib tug tub, ua vajntxwv kav tagnrho Ixayees tej thajtsam tebchaws, tsis hais Kile-as, Asaws, Yexalees, Efala-is thiab Npeyamis. 10 Thaum Inposes sawv ua vajntxwv kav Ixayees tebchaws, nws hnubnyoog muaj plaubcaug xyoo, nws kav tebchaws tau ob xyoos. Tiamsis xeem neeg Yudais muab siab npuab Daviv.

Cov neeg Ixayees cov thawjcoj tsa Axaloos , uas yog vajntxwv Daviv tus tub , ua vajntxwv thaum nws ntxias cov neeg Ixayees ntxeev siab rau nws txiv. Thaum Axaloos mus caum nws txiv tua es mus tuag lawm, vajntxwv Daviv mam rov qab los ua vajntxwv kav nws cov neeg Yudais thiab cov neeg Ixayees dua.

20 Yelaunpau-as ua vajntxwv kav tau neesnkaum ob xyoos. Thaumnws tuag, luag muab nws lub cev faus cia, Tomqab ntawd, nws tus tub Nadas sawv ua vajntxwv hloov nws chaw. Nws kav cov neeg Ixayees 10 xeem.

21 Xalaumoos tus tub Lehaunpau-as sawv ua vajntxwv kav Yudas tebchaws, thaum Lehaunpau-as hnubnyoog muaj plaubcaug ib xyoos. Nws nyob hauv lub nroog Yeluxalees ua vajntxwv kav tau kaumxya xyoo. Lub nroog ntawd yog lub uas tus TSWV xaiv tawm hauv ib tsoom neeg Ixayees lub tebchaws ua chaw rau sawvdaws tuaj pehawm tus TSWV. Lehaunpau-as niam npe hu ua Na-amaj, nws yog cov neeg Amoos. Nws kav cov neeg Yudais 2 xeem.

Lehaunpau-as tus tub Anpiyas sawv ua vajntxwv hloov Lehaunpau-as chaw.

9 Thaum Yelaunpau-as ua vajntxwv kav Ixayees tebchaws tau kaumcuaj xyoos, xyoo neesnkaum Axas sawv ua vajntxwv kav Yudas tebchaws. 10 Nws nyob hauv lub nroog Yeluxalees kav tau plaubcaug ib xyoos. Nws pog yog Axaloos tus ntxhais uas npe hu ua Ma-akhas. 11 Nws ua tej uas haum tus TSWV siab ib yam nkaus li nws yawgkoob Daviv ua. 12 Nws ntiab tagnrho tej pojniamtxiv neej uas luag tuaj ntiav ua pleesyig hauv qhovchaw neeg pe tej dabqhuas khiav tawm hauv tebchaws mus, thiab nws tsoo tej mlom uas tej vajntxwv uas xub kav tebchaws ua ntej nws puab huv tibsi povtseg. 13 Nws txo nws pog Ma-akhas lub meejmom ua vajntxwv niam, rau qhov nws pog txua ib tug pojniam mlom tsis huv neeg rau sawvdaws pe tus timtswv Aselas. Axas ntov tus mlom ntawd, thiab muab hlawv povtseg rau hauv lub hav Khedoos.

Thaum Yelaunpau-as ua vajntxwv kav xyoo kaum yim Anpiyas sawv ua vajntxwv kav Yudas tebchaws. 2 Nws nyob hauv lub nroog Yeluxalees kav tau peb xyoos. Nws niam yog Axaloos tus ntxhais npe hu ua Ma-akhas. 3Nws ua tej kev txhaum uas nws txiv ua, thiab nws tsis muab siab npuab tus TSWV uas yog nws tus Vajtswv npaum li nws yawgkoob Daviv Nws ua vajntxwv kav Yudais tebchaws tau 2 xyoo.

24Thaum Axas tuag, luag muab nws lub cev faus tseg cia rau hauv tej vajntxwv lub toj ntxas hauv Daviv lub nroog. Nws tus tub Yehauxafas sawv ua vajntxwv hloov nws chaw. 41 Thaum Ahaj ua vajntxwv kav Ixayees tebchaws tau peb xyoos, xyoo plaub Axas tus tub Yehauxafas sawv ua vajntxwv kav Yudas tebchaws, 42 Thaum ntawd Yehauxafas hnubnyoog muaj pebcaug tsib xyoos. Nws nyob hauv lub nroog Yeluxalees kav tau neesnkaum tsib xyoos. Nws niam yog Sihis tus ntxhais npe hu ua Azunpas. 43 Nws ua tej uas haum tus TSWV siab ib yam li nws txiv Axas twb ua los lawm. Tiamsis nws tsis rhuav tej chaw uas neeg pe dabqhuas, tej neeg tseem pheej tua tsiaj txi dab, thiab hlawv xyab rau ntawm tej qhovchaw ntawd. 44 Yehauxafas nrog tus vajntxwv uas kav Ixayees tebchaws sib haumxeeb.

25 Thaum Axas ua vajntxwv kav Yudas tebchaws tau ib xyoos, xyoo ob vajntxwv Yelaunpau-as tus tub Nadas sawv ua vajntxwv kav Ixayees tebchaws. Nws ua vajntxwv kav tau ob xyoos. 26 Nws ua txhaum tawmtsam tus TSWV, thiab coj ib tsoom neeg Ixayees ua txhaum ib yam li nws txiv ua.

27 Ahiyas uas yog xeem Ixakhas tus tub Npasas ntxeev siab rau Nadas, thiab tua Nadas povtseg thaum Nadas, thiab Nadas cov tubrog tabtom tua lub nroog Kinpethoos hauv Filitees tebchaws. 28 Zaj xwm no muaj thaum xyoo peb, suav txij li hnub Axas sawv ua vajntxwv kav Yudas tebchaws los. Npasas sawv ua vajntxwv kav Ixayees tebchaws hloov Nadas chaw. 29 Thaum nws sawv ua vajntxwv, nws pib tua tagnrho Yelaunpau-as tsevneeg huv tibsi povtseg. Zaj xwm no twb muaj raws li tej lus uas tus TSWV uas yog Vajtswv tus tubqhe Ahiyas, uas yog tus cev Vajtswv lus hauv lub nroog Sailaus qhia ua ntej tseg hais tias, Tagnrho Yelaunpau- as tsevneeg yuav tuag tu noob nrho.

33 Thaum Axas ua vajntxwv kav Yudas tebchaws tau ob xyoos, xyoo peb Ahiyas tus tub Npasas sawv ua vajntxwv kav Ixayees tebchaws. Nws nyob hauv lub nroog Thizas kav tau neesnkaum plaub xyoos. 34 Nws ua li vajntxwv Yelaunpau-as uas xub ua vajntxwv ua ntej nws ua. Nws ua txhaum tawmtsam tus TSWV, thiab coj ib tsoom neeg Ixayees ua txhaum.

Nws tus tub Elas   sawv ua vajntxwv hloov nws chaw. 8Thaum Axas ua vajntxwv kav Yudas tebchaws tau neesnkaum tsib xyoo, xyoo neesnkaum rau, Npasas tus tub Elas sawv ua vajntxwv kav Ixayees tebchaws.

9 Zeelis uas yog nws ib tug thawj tubrog tswjhwm nws ib nrab tubrog tsav tsheb nees ua rog, ntxeev siab tawmtsam nws. Muaj ib hnub Elas tabtom qaug cawv hauv Azas lub tsev hauv lub nroog Thizas. Azas yog tus uas saib xyuas vajntxwv tej vajtse. 10 Zeelis mus hauv Azas tsev, nws cia li tua kiag Elas povtseg, thiab sawv ua vajntxwv hloov Elas chaw. 15 Thaum Axas ua vajntxwv kav Yudas tebchaws tau neesnkaum rau xyoo, xyoo neesnkaum xya Zeelis nyob hauv lub nroog Thizas kav Ixayees tebchaws tau xya hnub. 18Thaum Zeelis pom hais tias, lub nroog poob rau Aulis lawv lawm, nws khiav mus hauv lub yeej uas nyob puag hauv vajntxwv nruabnrog tsev, thiab hlawv tej tsev. Hluavtaws kub nws tuag rau hauv.

16 Thaum lawv hnov xov hais tias, Zeelis ntxeev siab tawmtsam vajntxwv, thiab tua vajntxwv povtseg, tamsim ntawd lawv tsa kiag Aulis tus uas yog lawv tus thawj tubrog ua vajntxwv kav Ixayees tebchaws. 21 Ib tsoom neeg Ixayees faib ua ob pab, muaj ib txhia xav tsa Kinaj tus tub Thinis ua vajntxwv, ib txhia xav tsa Aulis ua vajntxwv. 22 Thaum kawg cov neeg uas xav tsa Aulis yog cov yeej. Thinis tuag, Aulis sawv ua vajntxwv. 23 Thaum Axas ua vajntxwv kav Yudas tebchaws tau pebcaug xyoos, xyoo pebcaug ib Aulis sawv ua vajntxwv kav Ixayees tebchaws. Nws ua vajntxwv kav tau kaum ob xyoos.

28Aulis tuag, luag muab nws lub cev faus rau hauv lub nroog Xamalis. Nws tus tub Ahaj sawv ua vajntxwv hloov nws chaw. 29Thaum Axas ua vajntxwv kav Yudas tebchaws tau pebcaug xya xyoo, xyoo pebcaug yim Aulis tus tub Ahaj sawv ua vajntxwv kav Ixayees tebchaws. Nws nyob hauv lub nroog Xamalis kav tau neesnkaum ob xyoos. 30Nws haj yam ua txhaum tawmtsam tus TSWV heev dua li tej vajntxwv uas xub nyob ua ntej nws lawm. 31Tsis yog nws ua txhaum ntau npaum li vajntxwv Yelaunpau-as ua xwb, tiamsis nws tseem mus yuav vajntxwv Enpa-as uas nyob hauv lub nroog Xidoos tus ntxhais Yexanpees los ua nws tus pojniam, thiab nws teev mlom Npa-as. 32Nws ua ib lub tsev teev Npa-as rau hauv lub nroog Xamalis, thiab ua ib lub thaj teev Npa-as tso rau hauv lub tsev ntawd. 33Nws teeb ib tug ncej dab muaj yamntxwv zoo li tus poj timtswv Aselas rau sawvdaws pe.

40Thaum Ahaj tuag lawm, Ahaj tus tub Ahaxaiyas sawv ua vajntxwv hloov nws chaw. 51Thaum Yehauxafas ua vajntxwv kav Yudas tebchaws tau kaumrau xyoo, xyoo kaumxya Ahaj tus tub Ahaxaiyas sawv ua vajntxwv kav Ixayees tebchaws. Nws nyob hauv lub nroog Xamalis kav tau ob xyoos. 52Nws ua txhaum tawmtsam tus TSWV, nws coj raws li nws txiv Ahaj tus cujpwm phem, coj raws li nws niam Yexanpees, thiab vajntxwv Yelaunpau-as tus uas coj ib tsoom neeg Ixayees ua txhaum tus cujpwm. 53Nws teevtiam Npa-as

50 Yehauxafas tuag, luag muab nws lub cev faus cia rau hauv tej vajntxwv lub toj ntxas hauv Daviv lub nroog. Nws tus tub Tsehaulas sawv ua vajntxwv hloov nws chaw.

16 Thaum Ahaj tus tub Tsaulas ua vajntxwv kav Ixayees tebchaws tau plaub xyoos, xyoo tsib Yehauxafas tus tub Tsehaulas sawv ua vajntxwv kav Yudas tebchaws. 17 Thaum ntawd Tsehaulas hnubnyoog muaj pebcaug ob xyoos, nws nyob hauv lub nroog Yeluxalees kav tau yim xyoo. 18 Nws tus pojniam yog Ahaj tus ntxhais , nws ua txhaum yam nkaus li Ahaj cajces, thiab cov neeg Ixayees tej vajntxwv ua. Nws ua txhaum tawmtsam tus TSWV, 19 tiamsis tus TSWV tsis pom zoo ua rau cov neeg Yudais puastsuaj, rau qhov nws twb cog lus tseg rau Daviv tus uas yog nws tus tubqhe lawm hais tias, Daviv tej xeebntxwv ib tug yuav sawv ua vajntxwv kav dhau ib tug mus li.