27 Thaum Uxaiyas ua vajntxwv kav Yudas tebchaws tau tsibcaug ib xyoos, xyoo tsibcaug ob Lemaliyas tus tub Npekhas sawv ua vajntxwv kav Ixayees tebchaws. Nws nyob hauv lub nroog Xamalis kav tau neesnkaum xyoo. 28 Nws ua txhaum tawmtsam tus TSWV, nws coj cujpwm phem ib yam li Nenpas tus tub Yelaunpau- as uas coj ib tsoom neeg Ixayees mus ua txhaum tus cujpwm

30 Thaum Uxaiyas tus tub Yauthas ua vajntxwv kav Yudas tebchaws tau kaumcuaj xyoos, xyoo neesnkaum Elas tus tub Hause-as   tuavhauv tua vajntxwv Npekhas povtseg, thiab sawv ua vajntxwv hloov Npekhas.

Thaum Ahas ua vajntxwv kav Yudas tebchaws tau kaum ib xyoos, xyoo kaum ob Elas tus tub Hause-as sawv ua vajntxwv kav Ixayees tebchaws, nws nyob hauv lub nroog Xamalis kav tau cuaj xyoos. 2 Nws ua txhaum tawmtsam Vajtswv tiamsis ua txhaum tsis npaum li tej vajntxwv uas xub sawv kav Ixayees tebchaws dua nws.

Thaum Lemaliyas tus tub Npekhas ua vajntxwv kav Ixayees tebchaws tau kaumrau xyoo, xyoo kaumxya Yauthas tus tub Ahas sawv ua vajntxwv kav Yudas tebchaws. 2 Thaum ntawd Ahas hnubnyoog muaj neesnkaum xyoo. Nws nyob hauv lub nroog Yeluxalees kav tau kaumrau xyoo. Nws coj nws tus cujpwm tsis zoo li nws yawgkoob vajntxwv Daviv tus, nws ua tej uas tsis haum tus TSWV uas yog nws tus Vajtswv siab. 3 Nws coj cujpwm raws li tej vajntxwv uas kav Ixayees tebchaws coj. Tsis Yog li ntawd, xwb, nws tseem muab nws tus tub tua hlawv txi tej mlom raws li tej kevcai phem uas cov neeg uas Vajtswv ntiab khiav tawm hauv tebchaws mus, thaum ib tsoom neeg Ixayees los txeeb nyob hauv lub tebchaws ntawd ua. 4 Ahas tua tsiaj, thiab hlawv xyab txi dab txi mlom hauv tej qhovchaw pe dabqhuas saum tej roob, thiab hauv tej qabntoo loj.

Thaum Elas tus tub Hause-as ua vajntxwv kav Ixayees tebchaws tau ob xyoos, xyoo peb Ahas tus tub Hexekhaiyas   sawv ua vajntxwv kav Yudas tebchaws. 2 Thaum nws sawv ua vajntxwv nws hnubnyoog muaj neesnkaum tsib xyoos, nws nyob hauv lub nroog Yeluxalees kav tau neesnkaum cuaj xyoos. Nws niam yog Xekhalaiyas tus ntxhais npe hu ua Anpiyas . 3 Hexekhaiyas ua ib puas tsav yam raws li tus TSWV lub siab nyiam, ib yam nkaus li nws yawgkoob vajntxwv Daviv ua. 4 Nws rhuav tej chaw teev dabqhuas, tsoo tej ncej zeb dab, thiab ntov tus poj timtswv Aselas. Nws tsoo tus nabtooj uas Mauxes nchuav i, tus nabtooj no muaj npe hu ua Nehuthas. Tiam ntawd ib tsoom neeg Ixayees pheej hlawv xyab hlawv ntawv teev tus nabtooj ntawd. 5 Hexekhaiyas cia siab rau tus TSWV uas yog ib tsoom neeg Ixayees tus Vajtswv heev. Tej vajntxwv uas xub sawv ua vajntxwv kav Yudas tebchaws dua nws, thiab tej uas sawv kav tomqab nws, tsis muaj ib tug twg cia siab rau tus TSWV heev npaum li nws. 6 Nws muab siab npuab tus TSWV, nws mloog tus TSWV lus txhua lo huv tibsi. Nws coj raws nraim li tej lus samhwm uas tus TSWV muab cob rau Mauxes. 7 Yog li ntawd tus TSWV thiaj nrog nraim nws nyob, nws ua tau ib puas tsav yam tiav tas huv tibsi.

Thaum Manaxes sawv ua vajntxwv Yudas tebchaws, nws hnubnyoog muaj kaum ob xyoos. Nws nyob hauv lub nroog Yeluxalees kav tau tsibcaug tsib xyoos. Nws niam npe hu ua Hezinpas . 2 Nws ua txhaum tawmtsam tus TSWV, nws coj tej haivneeg uas tus TSWV ntiab khiav tawm hauv tebchaws thaum cov neeg Ixayees los txeeb nyob hauv lub tebchaws ntawd, tej kevcai phem. 3 Nws rov qab rhawvtsim tej chaw teev dabqhuas uas nws txiv Hexekhaiyas twb muab rhuav povtseg tas lawm. Nws ua tej lub thaj rau neeg teev Npa-as, thiab txua ib tug poj timtswv Aselas ib yam nkaus li vajntxwv Ahaj tus uas kav Ixayees tebchaws ua. Manaxes pehawm tej hnubqub thiab. 4 Nws ua tej lub thaj teev dabqhuas teeb rau hauv lub Tuamtsev uas yog qhovchaw tus TSWV hais tias, qhovchaw neeg tuaj pehawm nws. 5 Manaxes ua tej lub thaj teeb rau nraum lub Tuamtsev ob lub vajloog rau neeg pehawm tej hnubqub. 6 Nws muab nws tus tub tua hlawv theej txhoj. Nws ua khawvkoob, nws yeessiv, saib hmoov thiab txheev dab. Nws ua txhaum loj kawg li tawmtsam tus TSWV ua rau tus TSWV tsiv siab heev. 7 Nws muab tus poj timtswv Aselas teeb rau hauv lub Tuamtsev uas yog qhovchaw tus TSWV hais rau Daviv, thiab Daviv tus tub Xalaumoos hais tias, Lub Tuamtsev uas nyob hauv lub nroog Yeluxalees no, yog qhovchaw uas kuv xaiv tseg cia rau hauv kaum ob xeem neeg Ixayees lub tebchaws, ua chaw rau sawvdaws pehawm kuv.

19 Thaum Amos sawv ua vajntxwv kav Yudas tebchaws, nws hnubnyoog muaj neesnkaum ob xyoos. Nws nyob hauv lub nroog Yeluxalees kav tau ob xyoos. Nws niam yog Halus tus ntxhais Mesulemes , lawv yog cov neeg uas nyob hauv lub nroog Tsonpas. 20 Amos ua txhaum tawmtsam tus TSWV ib yam nkaus li nws txiv Manaxes ua. 21 Nws coj cujpwm ib yam nkaus li nws txiv coj, thiab nws pe tej dab tej mlom uas nws txiv pe. 22 Nws tso tus TSWV uas yog nws pojkoob yawmtxwv tus Vajtswv tseg, nws tsis ua raws li tus TSWV tej lus samhwm.

Yauxaiyas   sawv ua vajntxwv kav Yudas tebchaws thaum nws hnub nyoog muaj yim xyoo. Nws nyob hauv lub nroog Yeluxalees kav tau pebcaug ib xyoos. Nws niam npe hu ua Yedidas    uas yog Adayas tus ntxhais. Adayas yog cov neeg nyob hauv lub nroog Npaukhas. 2 Yauxaiyas coj lub neej raws li tus TSWV lub siab nyiam, thiab nws ua raws nraim li Vajtswv tej kevcai txhua lo huv tibsi ib yam li nws yawgkoob Daviv ua.

Tomqab ntawd, cov neeg Yudais xaiv Tsauahas uas yog Yauxaiyas tus tub, thiab tsa nws ua vajntxwv sawv nws txiv chaw.

31 Thaum Tsau-ahas sawv ua vajntxwv kav Yudas tebchaws, nws hnubnyoog muaj neesnkaum peb xyoos. Nws nyob hauv lub nroog Yeluxalees kav tau peb hlis. Nws niam yog Yelemis tus ntxhais Hamuthas, lawv yog cov neeg uas nyob hauv lub nroog Linas. 32 Nws ua txhaum tawmtsam tus TSWV ib yam nkaus li nws tej pojkoob yawmtxwv ua. 33 Nws lub meejmom vajntxwv poob thaum vajntxwv Nekaus tus uas kav Iyiv tebchaws tuaj ntes tau nws, coj mus ua cevqhev hauv lub nroog Lilas pem Hamas tebchaws.

34 Vajntxwv Nekaus tsa Yauxaiyas tus tub Eliyakhees ua vajntxwv kav Yudas tebchaws hloov Yauxaiyas chaw, thiab tis npe tshiab rau Eliyakhees hu ua Yehauyakhees. Vajntxwv Nekaus coj Tsau-ahas mus nyob tim Iyiv tebchaws, nws tuag rau tid. 36 Thaum Yehauyakhees sawv ua vajntxwv kav Yudas tebchaws, Yehauyakhees hnubnyoog muaj neesnkaum tsib xyoos. Nws nyob hauv lub nroog Yeluxalees kav tau kaum ib xyoos. Nws niam yog Npedayas tus ntxhais Zenpidas , lawv yog cov neeg uas nyob hauv lub nroog Lumas. 37 Yehauyakhees ua txhaum tawmtsam tus TSWV ib yam nkaus li nws tej pojkoob yawmtxwv ua.

6Yehauyakhees tuag, nws tus tub Yehauyachees sawv ua vajntxwv hloov nws chaw.

8 Thaum Yehauyachees sawv ua vajntxwv, nws hnubnyoog muaj kaumyim xyoo. Nws nyob hauv lub nroog Yeluxalees kav tau peb hlis. Nws niam npe hu ua Nehuxathas uas yog Enathas tus ntxhais, Nehuxathas yog cov neeg nyob hauv lub nroog Yeluxalees. 9 Vajntxwv Yehauyachees ua txhaum tawmtsam tus TSWV ib yam li nws txiv ua ntag.

27 Thaum Yehauyachees tus uas yog vajntxwv kav Yudas tebchaws poob ua luag cevqhev tau pebcaug rau xyoo lawm, xyoo pebcaug xya Evis- Melaudas sawv ua vajntxwv kav Npanpiloos tebchaws. Nws zam txim rau Yehauyachees tus uas yog vajntxwv kav Yudas tebchaws, nws tso Yehauyachees tawm hauv tsev rau txim thaum hnub tim neesnkaum xya, lub kaum ob hlis ntuj. 28 Evis-Melaudas hlub thiab tu Yehauyachees zoo heev, nws pub Yehauyachees muaj ntsejmuag heev dua li lwm tus vajntxwv uas luag ntes coj los rau hauv Npanpiloos tebchaws. 29 Vajntxwv pub Yehauyachees hloov cev tsoostsho raug txim, thiab cia nws nrog vajntxwv niajhnub koom noj haus ib roog ua ke. 30 Thaum tseem ua neej nyob vajntxwv niajhnub muab nyiajtxiag rau nws tsis tseg raws li nws muaj chaw siv.

17 Nenpukhanexas tsa Mathaniyas uas yog Yehauyachees tus txiv ntxawm ua vajntxwv kav Yudas tebchaws, thiab tis dua ib lub npe tshiab rau Mathaniyas hu ua Xedekhiyas .

18Thaum Xedekhiyas sawv ua vajntxwv kav Yudas tebchaws, nws hnubnyoog muaj neesnkaum ib xyoos. Nws nyob hauv lub nroog Yeluxalees kav tau kaum ib xyoos. Nws niam npe hu ua Hamuthas uas yog Yelemis tus uas yog cov neeg nyob hauv lub nroog Linas tus ntxhais. 19Vajntxwv Xedekhiyas ua txhaum tawmtsam tus TSWV ib yam nkaus li vajntxwv Yehauyachees ua.