Mathais 26:26-29 (Yexus rooj mov)

26Thaum lawv tseem tabtom noj mov, Yexus muab ib lub movci los, nws ua Vajtswv tsaug. Nws muab lub movci ntawd ntais cev rau cov thwjtim, nws hais tias, Cov mov no yog kuv lub cev , nej cia li txais mus noj. 27Tomqab ntawd, Yexus muab ib khob cawv txivhmab los, nws ua Vajtswv tsaug. Nws muab khob cawv ntawd cev rau lawv, nws hais tias, Nej txhua tus cia li txais mus haus. 28 Khob cawv no yog kuv cov ntshav uas ua lub cim nias rau Vajtswv tej lus cog tseg . Kuv cov ntshav no ntws los ua rau Vajtswv zam ntau leej neeg lub txhoj. 29Kuv qhia rau nej hais tias, kuv yuav tsis haus cov cawv txivhmab no mus txog hnub kuv nrog nej haus cov cawv txivhmab tshiab hauv kuv Txiv lub tebchaws.

Mathais 26:41

41Nej yuav tsum yoo dabntub thiab thov Vajtswv pab, dab ntxwgnyoog thiaj ntxias tsis tau nej. Lub siab kublug, tiamsis cev nqaij daim tawv qaug zog zis.

Mathais 26:53-54

Yexus hais cov lus nram no thaum Yudas coj neeg tuaj txog yuav ntes Yexus. 53Koj tsis paub los? Yog kuv thov kuv Txiv, nws yeej yuav txib nws cov tubtxib saum qaumntuj ntau dua li yimcaum txhiab leej los pab kuv tamsid. 54Tiamsis yog kuv ua li ntawd, cais tej lus uas sau cia rau hauv Vajtswv phau ntawv lawm hais tias, yuav tsum muaj li no yuav ua li cas ua tau tiav?

Mathais 26:69, 71, 73 (Petus tsis lees paub Yexus)

Zaum 1 69Thaum Petus tseem zaum nraum qab tsibtaug, tus povthawj hlob ib tug ntxhais qhev tuaj hais rau Petus hais tias, Koj yog ib tug uas nrog Yexus, tus uas yog neeg Kalilais nyob ua ke thiab los sav. Zaum 2 71Petus mus tom lub roojvag, ho muaj dua ib tug ntxhais qhev tuaj pom Petus, tus ntxhais qhev ntawd hais rau cov txivneej uas nyob ntawd hais tias, Tus no yog ib tug uas nrog Yexus, tus uas yog neeg Naxales nyob ua ke ntag. Zaum 3 73Ib mentsis tomqab ntawd cov neeg uas sawvntsug ntawd los hais rau Petus hais tias, Koj yeej yog lawv cov ib tug tiag tiag, rau qhov koj lub suab lus zoo ib yam li lawv lub.

Mathais 27:5-8

5Yudas muab cov nyiaj ntawd pov rau hauv lub Tuamtsev, cais nws txawm khiav mus dai cajdab tuag. 6Cov povthawj hlob khaws cov nyiaj ntawd thiab hais tias, Yog muab cov nyiaj no tso rau hauv lub txhab nyiaj hauv lub Tuamtsev kuj txhaum peb kevcai, rau qhov cov nyiaj no yog nqi ntshav. 7Thaum lawv sablaj haum lawm, lawv nqa cov nyiaj ntawd mus muas tus kws puab laujkaub av thaj teb, cia ua qhovchaw faus lwm haivneeg. 8Twb yog vim li ntawd sawvdaws thiaj hu thajteb ntawd hais tias, Teb ntshav , los txog niajhnub nimno.

Mathais 27:32-33

32Thaum lawv tabtom tawm mus, lawv mus ntsib ib tug txivneej npe hu ua Ximoos, tus uas nyob puag tim lub nroog Khulenes. Lawv yuam nws kwv Yexus tus ntoo khaublig. 33Lawv mus txog ib qhochaw npe hu ua Khaulakhauthas . Lub npe ntawd txhais hais tias, Roob khaujkhaum taubhau .

Mathais 27:37

37Lawv muab daim ntawv uas sau lus nkaug Yexus ntsia rau tus ntoo khaublig ncaj ntawm Yexus taubhau lawm saud. Tej lus ntawd hais tias, Tus no yog Yexus, cov neeg Yudais tus vajntxwv .

Mathais 27:45-46

45Thaum hnub ntseg txawm tsaus ntuj nti thoob plaws lub tebchaws ntawd, tsaus mus txog hnub qaij. 46Thaum hnub yuav luag qaij Yexus hu nrov nrov hais tias, Elis, Elis, lemas xanpathanis . Lo lus ntawd txhais hais tias, Txiv es, Txiv. Ua cas koj tso kuv tseg?

Mathais 27:55-56

55Muaj ntau leej pojniam tuaj nyob ntawd sawv deb deb ntsia. Lawv yog cov uas ib txwm pab Yexus, lawv nrog Yexus tuaj pem Kalilais tebchaws tuaj. 56 Cov pojniam ntawd ib tug yog Maivliag Madalas, ib tug yog Maivliag tus uas yog Yakaunpaus thiab Yauxej niam, muaj ib tug yog Xenpedais tus pojniam. Cov pojniam uas nyob ntawm Yexus thaum nws tu siav 1 . Maivliag Madalas 2 . Maivliag 3 . Yakaunpaus thiab Yauxej niam 4 . Xenpedais tus pojniam.

Mathais 27:57-59

57Thaum yuav tsaus ntuj muaj ib tug txivneej npluanuj npe hu ua Yauxej , tuaj pem lub nroog Alimathas tuaj. Nws yog Yexus ib tug thwjtim thiab. 58Nws mus cuag Philaj, thov Philaj muab Yexus lub cev rau nws. Philaj txib neeg mus txo Yexus lub cev rau Yauxej. 59Yauxej muab ib chaws ntaubmag tshiab tshiab qhwv Yexus lub cev, 60kwv mus tso rau hauv lub qhovntxa tshiab uas Yauxej txaug tseg cia rau hauv ib phab pobzeb. Nws dov ib daig lagzeb loj loj los npog lub roojntxas cia, nws mam los tsev.