index

Malakaus

12 Tug Tubtxib (Malakaus 3:16-19)

1. Ximoos (Simon) (tus uas sawvdaws hu hais tias Petus) thiab 2. Atalis (Andrew) - uas yog Ximoos tus kwv. 3. Yakaunpaus (James) thiab 4. Yauhas (John) - uas yog Yakaunpaus to kwv Nkawd yog Xenpedais (Zebedee) ob tug tub. 5. Filis (Philip) 6. Palaumais (Bartholomew) 7. Thaumas (Thomas) 8. Mathais (Matthew), tus uas sau se. Nws yog Alafais tus tub Levis 9. Yakaunpaus (John) uas yog Alafais tus tub 10. Thades (Thaddaeus) 11. Ximoos (Simon) tus ua teb ua chaw 12. Yudas Ikhalaus (Judas Iscariot) tus uas tomqab no ntxeev siab rau Yexus. Malakaus 3:16-19 16Kaum ob leeg uas Yexus xaiv ntawd, ib tug yog Ximoos (Yexus tis ib lub npe tshiab rau Ximoos hais tias, Petus) 17 Yakaunpaus thiab Yakaunpaus tus kwv Yauhas , nkawd yog Xenpedais ob tug tub. (Yexus tis npe rau nkawd hu ua Npaulakhes, lub npe ntawd txhais hais tias, Xob quaj.) 18 Atalis , Filis , Palaumais , Mathais , Thaumas , Alafais tus tub Yakaunpaus, Thades , Ximoos tus uas ua teb ua chaw. 19Thiab Yudas Ikhalaus tus uas tomqab no ntxeev siab rau Yexus.

Tej txujci uas Yexus ua

1 . Ib tug txivneej raug dab (Malakaus 1: 21-28) 2 . Tus mob ruas (Malakaus 1:40-45) 3 . Tus Txivneej Tuag tes, Tuag taw (Malakaus 2: 1-12) 4 . Tus Txivneej Qhuav Tes (Malakaus 3:1-6) 5 . Tus Tseb Nplej (Malakaus 4:1-9; 13-20) 6 . Lub Noob Nplej (Malakaus 4: 26-29) 7 . Lub Noob Zaub (Malakaus 4: 30-33) 8 . Yexus Txwv Cua Thiab Dej (Malakaus 4: 35-41) 9 . Yexus kho tus Raug Dab (Malakaus 5: 1-20) 1 0 . Tus Pojniam Uas Kov Yexus Tw Tsho Thiab Yailaus tus ntxhais (Malakaus 5: 21-43) 1 1 . Yexus Pub Mov Rau 5,000 Leej Noj (Malakaus 6: 33-44) 1 2 . Yexus Mus Kotaw Saum Nplaim Dej (Malakaus 6: 45-52) 1 3 . Tus pojniam kev ntseeg (Malakaus 7: 25-30) 1 4 . Tus Txivneej Lagntseg Uas Hais Tsis Tau Lus (Malakaus 7: 31-37) 1 5 . Yexus Pub Mov Rau 4,000 Leej Noj (Malakaus 8:1-10) 1 6 . Yexus Kho Tus Digmuag Hauv Lub nroog Npexayadas (Malakaus 8:22-26) 1 7 . Yexus Kho Tus Tub Raug Dab (Malakaus 9:14-29) 1 8 . Yexus Kho Npatimes Qhovmuag (Malakaus 10:46-52) 1 9 .

Tej lus txhais

• Talithas khumis. Lo lus ntawd txhais hais tias, Mentxhais es, kuv hais rau koj hais tias, koj cia li sawvtsees . • Efathas. Lo lus ntawd txhais hais tias, Cia li qhib plho. (Malakaus 7:34)

Yexus cov kwv (Malakaus 6:3)

• Yexus cov kwv yog: o Yakaunpaus o Yauxej o Yudas o Ximoos

Tus tseb nplej twb yog tus qhia Vajtswv Txojlus

1 . Cov noob nplej uas poob rau hauv plawv kev ntawd, piv txog Vajtswv txojlus uas tseb rau hauv neeg lub siab. Thaum lawv hnov lawm, tamsim ntawd ntxwgnyoog los txeeb txojlus ntawd tawm hauv lawv lub siab mus lawm. 2 . Cov noob nplej uas poob rau ntawm qhov av muaj pobzeb tiv hauv lawm, piv txog cov neeg uas hnov dheev Vajtswv txojlus, tamsim ntawd lawv zoo siab hlo lees yuav. Tiamsis txojlus ntawd txeem mus rau hauv lawv lub siab tsis tob, lawv lees yuav ib nyuag ntu xwb. Thaum lawv raug kev txomnyem lossis raug kev tsimtxom vim lawv lees yuav txojlus ntawd, cais lawv txawm thim rov qab lawm. 3 . Cov noob nplej uas poob rau hauv lub hauvpaus pos , piv txog cov neeg uas hnov Vajtswv txojlus, tiamsis lawv tej kev nyuajsiab, tej kev ntshaw ua neeg npluanuj, thiab ntshaw yam ub yam no hlob tuaj laum Vajtswv txojlus lawm, lawv lub neej thiaj tsis tawg paj txi txiv. 4 . Cov noob nplej uas poob rau ntawm qhov av zoo , piv txog cov neeg uas hnov Vajtswv txojlus, lawv khaws tej lus ntawd cia rau hauv lawv lub siab. Lawv lub neej thiaj tawg paj txi txiv.

Malakaus 1:4

4Tus Yauhas uas coj neeg ua kevcai raus dej mus nyob tom tiajnrag suabpuam. Nws qhia cov neeg uas tuaj mloog nws tej lus hais tias, Nej yuav tsum tso nej tej kev txhaum tseg, thiab ua kevcai raus dej, Vajtswv thiaj yuav zam nej lub txim.

Malakaus 1:10-11

10Thaum Yexus tawm hauv dej los, tamsim ntawd Yexus pom roojntug qhib plho, thiab pom Vajtswv tus Ntsujplig los li ib tug nquab los rau ntawm Yexus. 11Yexus hnov ib lub suab hais saum qaumntuj tuaj hais tias, Koj yog kuv tus Tub uas kuv hlub, koj ua haum kuv siab .

Malakaus 1:15

15Yexus qhia hais tias, Twb txog lub sijhawm Vajtswv los kav neeg lub siab lawm. Nej cia li tso nej tej kev txhaum tseg los ntseeg Txojmoo zoo .

Malakaus 2:17

17 Yexus hnov lawv nug li ntawd. Yexus teb hais tias, Cov neeg tsis muaj mob yeej tsis mus cuag kws tshuaj, tsuas yog cov neeg muaj mob thiaj li mus cuag kws tshuaj xwb. Tsis yog kuv los hu cov neeg uas lawv hais tias, lawv yog neeg zoo, tiamsis kuv los hu cov neeg muaj txim .

Malakaus 2:27

27 Yexus qhia ntxiv hais tias, Vajtswv tsim hnubcaiv kom neeg tau zoo, tsis yog tsim neeg los ua raws li hnubcaiv txoj kevcai.

Malakaus 3:35

35Tus uas ua raws li Vajtswv lub siab nyiam tus ntawd yog kuv tus kwv, yog kuv tus muam, thiab yog kuv niam.

Malakaus 4:12

12Tej no muaj raws li tej lus uas sau cia rau hauv Vajtswv phau ntawv hais tias, Lawv yuav ntsia tiamsis lawv yuav tsis pom, lawv yuav hnov tiamsis lawv yuav tsis totaub. Yog lawv pom thiab lawv totaub, nyob tsam lawv yuav tig los cuag Vajtswv, thiab Vajtswv yuav zam lawv lub txim.

Malakaus 4:22

22Tej uas muab zais cia lawm yeej yuav muaj neeg pom. Thiab tej uas muab npog cia lawm, yeej yuav muaj neeg muab nthuav rau sawvdaws saib.

Malakaus 4:24

24 Yexus hais ntxiv rau lawv hais tias, Nej yuav tsum ua tib zoo mloog tej uas nej hnov. Nej muab lub luaj li cas luj rau lwm tus lawm,Vajtswv yuav muab lub luaj li ntawd luj rov qab rau nej. Tsis yog li ntawd xwb, Vajtswv tseem yuav luj hnyav dua li ntawd rau nej thiab.

Malakaus 7:6-7

6 Yexus teb hais tias, Tus Yaxayas uas cev Vajtswv lus nws qhia tseeb hais tias, Nej yog cov niag neeg siab phem. Nws hais tias, Vajtswv hais tias, cov neeg no lub ncauj hwm kuv, tiamsis lawv lub siab tsis npuab kuv. 7 Qhov uas lawv pe kuv tsis muaj nujnqis dabtsi li, rau qhov lawv muab neeg tej lus los qhia, ib yam li yog kuv tej lus ntag.

Malakaus 7:15-23

15 Tsis yog yam uas neeg niajhnub noj yuav ua rau neeg ua txhaum kevcai, tiamsis yog tej lus uas tawm hauv neeg lub siab los thiaj ua rau neeg ua txhaum kevcai. [16Yog leejtwg muaj pobntseg cia li khaws zaj no cia.]a 17Thaum Yexus ncaim cov neeg coob coob ntawd mus hauv tsev lawm, nws cov thwjtim los nug nws hais tias, Zaj lus pivtxwv ntawd txhais li cas? 18Yexus teb lawv hais tias, Nej tsis totaub ib yam li lawv cov ntawd thiab los? Nej tsis paub hais tias, tsis yog yam uas neeg niajhnub noj yuav ua rau neeg ua txhaum kevcai, 19rau qhov tej ntawd tsis mus hauv neeg lub siab, tsuas mus hauv lub plab thiab tawm lawm xwb. (Yexus qhia li no, nws qhia hais tias, tej zaubmov neeg noj tau huv tibsi tsis txhaum kevcai). 20Yexus hais ntxiv hais tias, Tej uas tawm hauv neeg lub siab los, tej ntawd thiaj ua rau neeg ua txhaum kevcai. 21Tej uas neeg xav hauv nruabsiab, tej ntawd coj neeg mus ua txhaum, tsis hais ua plees ua yi, ua tubsab tubnyiag, tua neeg, 22deev luag poj luag txiv, ntshaw luag tug, ua ib puas tsav yam phem, dag ntxias, ua phem ua qias, khib, xyav lwm tus moo, khavtxiv, ua li neeg ruam. 23Tej ntawd puavleej tawm hauv neeg lub siab los, thiab ua rau neeg ua txhaum kevcai.

Malakaus :34-38

34Yexus hu cov neeg coob coob, thiab Yexus cov thwjtim los cuag Yexus. Yexus hais rau lawv hais tias, Yog leejtwg xav ua kuv tus thwjtim, tus ntawd yuav tsum ua ib siab kwv nws tus ntoo khaublig nrog kuv mus. 35Rau qhov tus uas khuvxim nws txojsia, tus ntawd txojsia yuav tu. Tiamsis tus uas tsis khuvxim nws txojsia vim nws ntseeg kuv, thiab nws mus qhia Txojmoo zoo, tus ntawd yuav tau txojsia. 36Yog leejtwg tau ib puas tsav yam hauv ntiajteb no huv tibsi los ua nws tug, tiamsis nws txojsia tu lawm, tej ntawd yuav muaj nujnqis dabtsi rau nws. 37Yeej tsis muaj ib yam dabtsi uas yuav coj mus pauv tau nws txojsia rov qab los. 38Yog leejtwg txajmuag qhia rau cov neeg siab phem tiam no hais tias, nws yog kuv tus thwjtim, cais thaum Neeg Leejtub tus uas muaj Leejtxiv lub hwjchim nrog cov tubtxib saum qaumntuj los, nws yuav txajmuag lees hais tias, tus ntawd yog nws tus thwjtim.

Malakaus 9:23

Yog leejtwg ntseeg, kuv yeej ua tau txhua yam huv tibsi