• 8Thaum Yehauyachees sawv ua vajntxwv, nws hnubnyoog muaj kaumyim xyoo. Nws nyob hauv lub nroog Yeluxalees kav tau peb hlis. Nws niam npe hu ua Nehuxathas uas yog Enathas tus ntxhais, Nehuxathas yog cov neeg nyob hauv lub nroog Yeluxalees. 9Vajntxwv Yehauyachees ua txhaum tawmtsam tus TSWV ib yam li nws txiv ua ntag. (2 vajntxwv 24:8-9) • 27Thaum Yehauyachees tus uas yog vajntxwv kav Yudas tebchaws poob ua luag cevqhev tau pebcaug rau xyoo lawm, xyoo pebcaug xya Evis-Melaudas sawv ua vajntxwv kav Npanpiloos tebchaws. Nws zam txim rau Yehauyachees tus uas yog vajntxwv kav Yudas tebchaws, nws tso Yehauyachees tawm hauv tsev rau txim thaum hnub tim neesnkaum xya, lub kaum ob hlis ntuj. 28Evis-Melaudas hlub thiab tu Yehauyachees zoo heev, nws pub Yehauyachees muaj ntsejmuag heev dua li lwm tus vajntxwv uas luag ntes coj los rau hauv Npanpiloos tebchaws. 29Vajntxwv pub Yehauyachees hloov cev tsoostsho raug txim, thiab cia nws nrog vajntxwv niajhnub koom noj haus ib roog ua ke. 30Thaum tseem ua neej nyob vajntxwv niajhnub muab nyiajtxiag rau nws tsis tseg raws li nws muaj chaw siv. (2 vajntxwv 25:27-30)

• 17Nenpukhanexas tsa Mathaniyas uas yog Yehauyachees tus txiv ntxawm ua vajntxwv kav Yudas tebchaws, thiab tis dua ib lub npe tshiab rau Mathaniyas hu ua Xedekhiyas. (2 vajntxwv 24:17) • 18Thaum Xedekhiyas sawv ua vajntxwv kav Yudas tebchaws, nws hnubnyoog muaj neesnkaum ib xyoos. Nws nyob hauv lub nroog Yeluxalees kav tau kaum ib xyoos. Nws niam npe hu ua Hamuthas uas yog Yelemis tus uas yog cov neeg nyob hauv lub nroog Linas tus ntxhais. 19Vajntxwv Xedekhiyas ua txhaum tawmtsam tus TSWVib yam nkaus li vajntxwv Yehauyachees ua. 20Tus TSWV chim rau cov neeg uas nyob hauv lub nroog Yeluxalees, thiab cov neeg Yudais heev, nws thiaj ntiab lawv khiav tawm ntawm nws mus. (2 vajntxwv 24:18-20)

Xedekhiyas

• 22 Nenpukhanexas tus uas yog vajntxwv kav Npanpiloos tebchaws tsa Kedalaiyas , tus uas yog Ahikhas tus tub thiab yog Safaj tus xeebntxwv, ua nom kav Yudas tebchaws, thiab ua tus saib xyuas tej neeg uas luag tsis ntes coj mus puag tim Npanpiloos tebchaws. (2 vajntxwv 25:22)

Xedekhiyas