LWM YAM TXOG PHAU NTAWV NO
Hmong Wolrd Chistian Resource Center
Xh. Toojzoo Vaj
Lub zos Phivxawjnpawj, xeev Pheesxievesnias
Hnub tim 30 lub 7 hli ntuj xy00 1982.
Nyob zoo, viv ncaus Paj Huab.
Txij
kuv
ncaim
koj
mus
lawm,
ntuj
ntsiag
moo
to
tsis
hnov
koj
ib
ntsug
xov.
Txawm
yog
kuv
los
kuj
tsis
tau
xa
koj
ib
ntsug
moo
li
thiab.
Ua
li
koj
thiab
tsev
neeg
nrog
rau
ib
tsoom
viv
ncaus
nruab
zog,
txhua
tus
puas
lias
tseem
puav
leej
tau
txais
kev
noj
qab
nyob
zoo
li
thaum
peb
tseem
nyob
uake?
Kuv
thiab
tag
nrho
kuv
tsev
neeg
kuj
tseem
puav
leej
tau
txais
kev
noj
qab
nyob
zoo
txhua
tus.
Tab
sis
kuv
ncaim
koj
tiab
tsoom
viv
ncaus
mus
twb
yuav luag muaj plaub xyoos no, kuv nco nej heev.
Paj
Huab,
lub
caij
no
ntshe
nej
twb
nthua
nroj
quav
nplej
tag
lawm
paub.
Ntshe
ib
tsoom
viv
ncaus
sawv
daws,
nej
yuav
niaj
hnub
sib
pauv
zog
mus
cog
nplej
yam
lom
zem
heev,
ua
li xyoo no nej puas cuab teb dav dua thaum peb tseem nyob uake?
Lub
cuaj
hlis
hmoob
twb
yuav
nra,
me
kab
nqos
vias
tab
tom
yuav
pib
quaj,me
kooj
txig
ya
liab
pes
vog
rau
txhia
chaw
ntshe
yuav
kho
siab
kawg
li,
ua
li
nej
puas
tseem
tham
thiab
nco txog kuv lawm?
Nyob rau tim Amelivkas teb chaws, lub caij no tab tom so kawm ntawv. Me nplooj ntoos hlav ntsuab xwb xiab txhua txhia chaw, viv ncaus los tsis muaj, hnub qaij nroos me ntxoov ntxoo los luas kho siab kawg li. Paj Huab, koj kev kawm ntawv xyoo no ne zoo li cas lawm puas tias mus taus nyog, thiab koj puas lauj num zias kawm peb cov ntawv Hmoob? Txawm yog yuav muaj chaw tabkaum npaum li cas los vim yus yog ib tug ntxhais Hmoob, yuav tau kawm kom txawj xwb luag thiaj li yuav saib taus yus. Kuv kev kawm ntawv xyoo no khub yog zoo heev, ua rau kuv tsev neeg puav leej nrog kuv zoo siab txhua tus. Tsis tas li ntawd kuv tseem niaj hnub lauj num zias mus kawm peb cov ntawv hmoob tsis tu ncua. Ua tsaug qhov kuv txiv yog tus rhawv phau xyaum kawm ntawv Hmoob no rau kuv kawm thiab tsab no yog tsab ib uas kuv xyaum sau los xyuas koj. Paj Huab, txawm tias yus yog ib tug khaub ntxhais los yeej meem rau siab ntso kawm vim nyob rau tebchaw Amelikas, tej tub thiab ntxhais yeej puav leej kawm txawj sib npaug zos. Kuv cia siab tias kuv yuav tau txais koj tsab ntawv teb kuv tsis ntev tom ntej no thiab tseem cia siab ntxiv tias muaj ib hnub twg yeej yuav ntsib koj thiab tsoom viv ncaus sawv daws. Sau npe: Viv ncaus Paj Nyiag. CUAB NTXOV THOV CUAB LIG Thaum ub muaj ob tug kwv npawg hu ua Cuab Ntxov thiab Cuab Lig, nkawd ib txwm kawm ntawv ua ke puag thaum yau los. Thaum nkawv tab tom kawm mus txog nrab, Cuab Lig tsis tshua rau siab kawm pis tsawg thiab niaj hnub mus yos ua si tham hluas nkauj xwb. Txij thaum ntawd los Cuab Lig txawm poob qab zuj zus caum tsis tau Cuab Ntxov lawm. Tsis ntev Cuab Lig txawm cia li txiav txim siab mus ua neeg nyob tsis muaj chaws. Cuab Ntxov nws rau siab ntso kawm tsis tso tseg. Tsis ntev pis tsawg nws txawm kawm tiav tau los ua tus nom saib xyuas nws lub nroog. Tiam sis txawm Li ntawd los Cuab Ntxov tseem niaj hnub xav txog nws tus npawg uas mus ua loj leeb lawd thiab xav tias yuav ua li cas thiaj li yuav pab tau tus npawg ntawd. Muaj ib hnub Cuab Lig hnov tias nws tus npawg Cuab Ntxov twb tau los ua nom lawm. Cuab Lig thiaj li taug kev nraim mus xyuas nws tus npawg Cuab Ntxov. Thaum nws mus txog nws khob qhov rooj peb teg Cuab Ntxov tawm plaws tuaj qhib qhov rooj ua ciav yog npawg Cuab Lig tuaj tib tug qhov ceb muag zees thiab hnav ris nqws ti pem qhov raws. Cuab Ntxov thiaj xav zoj thiab tig loo mus cem nws tus npawg Cuab Lig tias niag dev liam txwv ua cas koj lam tuaj tab kaum kuv ua dabtsi. Koj cia li khiav mus qias kuv hwv lawm koj twb tsis muaj nqis npaum li kuv niag txiv dev uas xov mom kaum ntawd". Ua rau Cuab Lig tu siab nrho thiab tig hlo mus tam sim ntawd yam taug kev yuav luag tsis ncaj rov mus tsev. Cuab Lig thiaj li thim hlo xav thiab rov hlo mus yoo tshaib zias kawm ntawd nram nroog ntxiv. Thaum Cuab Ntxov cem nws tus npawg tas li ntawd, nws soj nraim seb npawg Cuab Lig yuav mus ua li cas lawm yav tom ntej. Muaj ib hnub Cuab Ntxov mus txog rau nram nroog ua ciav pom npawg Cuab Lig rov qab mus kawm ntawv lawm, tiam sis txom nyem kawg li vim tsis muaj tus ua mov rau noj. Cuab Ntxov pom tias yog kawm ntawv txom nyem li ntawd xwb ntshe muaj ib hnub twg nws yuav rov qab mus ua loj leeb dua thiab. Cuab Ntxov los txog tsev nws txawm los tuav tswv yim rau nws poj niam kom niaj hnub mus ua mov rau Cuab Lig noj, seb Cuab Lig lub neeb puas yuav zoo Cuab Lig niaj hnub mus kawm ntawv lawm, los txog ua ciav pheej muaj ib tug tuaj ua zaub mov siav ncho lug cia tos nws. Muaj ib hnub Cuab Lig thiaj li nyas los xauj, ua ciav pom ib tug hluas nkauj zoo nkauj heev tab tom ua zaub mov fab fo, nws thiaj li kom nyos los thiab nug tus hluas nkauj ntawd tias. Tus muam koi yog leej twg ua cas koj thiaj niaj hnub tuaj ua mov rau kuv noj li no? Tus hluas nkauj txawm teb hais tias. Vim yog kuv pom koj kawm ntawv txom nyem heev kuv thiaj li lauj num zias tuaj pab koj xwb. Tau ntau hnub ntxiv Cuab Lig thiaj li rov qab loo nug tias. Tus muam koi pab kuv tag npaum li es koj lub npe hu li cas thiab koj puas kam yuav kuv. Tus hluas nkauj ntawd thiaj li teb tias. Tsis txhob raws nug tej ntawm hnub twg koj kawm ntawv kawg tso kuv mam li qhia koj. Koj yeej meem rau rau siab kawm ntawv kom tiav tso yuav ua li cas mam ua. Thaum Cuab Lig kawm ntawv tiav, nws thiaj li rov qab nug tias, kuv kawm ntawv tiav lawm thov koj qhia koi lub npe rau kuv thiab ua li koj puas tau muaj txiv. Tus hluas nkauj thiaj li teb tias. Kuv npe hu ua " Npauj Nyiag " Tus hluas nkauj txawm hais rau Cuab Lig tias. Koj nyob es kuv rov qab mus tsev tuaj tso kuv mam li qhia koj seb kuv puas yuav koj. Thaum Npauj Nyiag mus tsev lawm ces Cuab Lig txawm rov qab mus xyuas nws tus npawg Cuab Ntxov dua thiab xav tias yuav mus twv nws tus npawg. Thaum nws mus txog nws khob qhov rooj peb teg, tus npawg tawm plaws tuaj ua ciav yog npawg Cuab Lig nws thiaj li coj kiag los tsev. Cuab Ntxov thiab Cuab Lig los zaum ua ke ces Cuab Lig nyuam qhuav yuav piav txog tus hluas nkauj thiab txoj kev kawm rau npawg Cuab Ntxov mloog xwb ua ciav Npauj Nyiag txawm siv kom plaws nqa tau ob khob dej los rau nkawd haus. Cuab Lig thiaj li nug Cuab Ntxov tias npawg tus hluas nkauj ntawd yog leej twg? Cuab Ntxov thiaj teb tias, twb yog kuv poj niam nws hu ua "Npauj Nyiag ". Thaum ntawd nws thiaj li paub tias tus hluas nkauj uas ua mov rau nws noj ntawd yog nws tus npawg poj niam. Thaum ntawd Cuab Lig thiaj li txhos caug ntua ua npawg Cuab Ntxov tsaug tias, yog tsis muaj koj ntshe kuv yuav tsis zoo li no. Nkawv thiaj sib puag caj dab sib qawg quaj ib pluag tas. Ces txij thaum ntawd los nkawd txawm ua lub neej sib hlub thiab sib pab mus tag ib txhis. ........Tas........
