Nkauj Qhuas Vajtswv 1:1
Cov neeg tau koobhmoov, yog cov uas tsis ua raws li cov neeg siab phem tej lus ntxias, thiab tsis xyaum coj cujpwm raws li tej neeg ua txhaum, lossis tej neeg saib tsis taus Vajtswv.
Nkauj Qhuas Vajtswv 1:5-6
5Vajtswv rau txim rau tej neeg ua phem, thiab muab xyeeb tawm tsis pub xyaw Vajtswv haivneeg. 6Tus TSWV tsomkwm zias, thiab coj cov neeg ncajncees txoj haukev, tiamsis tej neeg ua phem tabtom taug txojkev puasntsoog.
Nkauj Qhuas Vajtswv 3:3
tus TSWV es, koj yog tus uas thaiv ntis kuv, tsis pub raug xwmtxheej. Koj pub kuv muaj yeej, thiab rov txhawb kuv lub zog.
Nkauj Qhuas Vajtswv 4:3-4
3Nej yuav tsum nco ntsoov hais tias, tus TSWV xaiv cov neeg ncajncees ua nws tug. Nws mloog ntsoov kuv tej lus thov. 4Nej yuav tsum paub ntshai, thiab tseg kiag tsis txhob ua txhaum ntxiv li lawm. Thaum nej pw nruab hmontuj, nej muab zaj no ua tib zoo xav txhij txhua.