mathais

Mathais

12 Tug Tubtxib

1. Ximoos (Simon) (tus uas sawvdaws hu hais tias Petus) thiab 2. Atalis (Andrew) - uas yog Ximoos tus kwv. 3. Yakaunpaus (James) thiab 4. Yauhas (John) - uas yog Yakaunpaus to kwv Nkawd yog Xenpedais (Zebedee) ob tug tub. 5. Filis (Philip) 6. Palaumais (Bartholomew) 7. Thaumas (Thomas) 8. Mathais (Matthew), tus uas sau se. 9. Yakaunpaus (John) uas yog Alafais tus tub 10. Thades (Thaddaeus) 11. Ximoos (Simon) tus ua teb ua chaw 12. Yudas Ikhalaus (Judas Iscariot) tus uas tomqab no ntxeev siab rau Yexus.

Mathais 3:11

11 Kuv muab nej ua kevci raus dej li no qhia rau dawvdaws paub hais tias, nej twb tso nej tej kev txhaum tseg lawm. Tiamsis thaum tus uas lawv kev qab los, nws los, nws yuav muab nej raus rau hauv Vajtswv tus Ntsujplig thiab hauv hluavtaws.

Mathais 3:8

8 Nej yuav tsum ua nej lub neej rau sawvdaws pom hais tias, nej twb tso nej tej kev txhaum tseg lawm

Mathais 3:2

2 Nej cia li tso plhuav nej tej kev txhaum tseg, rau qhov nimno twb yuav txog lub sijhawm Vajtswv los kav neeg lub siab.

Mathais 4:4

4b Tsis yog mov thiaj cawm tau neeg txojsia xwb, tiamsis neeg yuav tsum muaj Vajtswv tej lus txhua lo huv tibsi, neeg thiaj ciaj sia.(Kevcai 8:3)

Mathais 4:7b

7b Koj tsis txhob sim tus Tswv uas yog koj tus Vajtswv siab. (Kevcai 6:16)

Mathais 4:10b

10b Nej yuav tsum pe tus Tswv uas yog nej tus Vajtswv, thiab teev-tiam nws tib leeg xwb. (Kevcai 6:13)

Mathais 4:16

16 Tej neeg uas nyob hauv qhov tsausntuj nti yuav pomkev kajnrig, txojkev kajnrig yuav ci ntsa iab rau tej neeg uas nyob hauv lub tebchaws tsausntuj nti.

Mathais 4:17b

Nyias yuav tsum tso nyias tej kev txhaum tseg, rau qhov twb yuav txog lub sijhawm Vajtswv los kav neeg lub siab. (Yaxayas 8:23, 9:1)

Mathais 6:1

1 Nej yuav tsum ua tib zoo xav, tsis txhob coj Vajtswv txoj kevcai kom lwm tus qhuas nej xwb. Yog nej ua li ntawd nej Leejtxiv tus uas nyob saum Ceebtsheej yuav tsis muab nqizog rau nej.

Mathais 6:2

2 Thaum nej yuav pub ib yam dabtsi twg rau ib tug neeg txomnyem, nej tsis txhob xub mus qhia rau tus ub tus no, cov neeg siab phem yeej ua li ntawd.

Mathais 6:4

4 Thaum nej pab lwm tus nej cia li pab twjywm xwb, nej Leejtxiv tus uas pom tej uas nej ua twjywm ua lawm, nws yuav muab nqizog rau nej.

Mathais 6:9-13 (Kevcai Thov Vajtswv)

9 Tsimnyog nej thov li no hais tias, Peb Leejtxiv tus uas nyob saum Ceebtsheej, thov kom sawvdaws hwm koj lub npe. 10Thov koj los kav neeg lub siab, thov koj pab kom peb cov uas nyob hauv ntiajteb no, ua tau raws li koj lub siab nyiam, ib yam li tej neeg saum Ceebtsheej ua raws li koj lub siab nyiam. 11Thov koj pub mov rau peb noj hnub no. 12Thov koj zam txim rau peb ib yam li peb twb zam txim rau txhua tus uas ua txhaum rau peb lawm. 13Thov koj tsis txhob cia tej kev txhaum ntxias peb, thiab thov koj pab kom peb dim ntawm dab Ntxwgnyoog txhais tes.

Mathais 6:14-15

14 Yog nej zam txim rau tus uas ua txhaum rau nej, nej Leejtxiv tus uas nyob saum Ceebtsheej yuav zam txim rau nej. 15Tiamsis yog nej tsis zam txim rau lwm tus, nej Leejtxiv tus uas nyob saum Ceebtsheej nws yuav tsis zam txim rau nej thiab.

Mathais 6:16

16 Thaum nej ua kevcai yoo mov, nej tsis txhob ua ntsejmuag mluas mluas ib yam li cov neeg siab phem. Lawv txhobtxwm ua ntsejmuag mluasmlob kom sawvdaws paub hais tias, lawv yoo mov. Kuv qhia tseeb rau nej hais tias, lawv twb tau lawv nqizog tas lawm.

Mathais 6:25

25 Kuv qhia rau nej hais tias, nej tsis txhob txhawj hais tias, nej yuav tsum muaj zaub muaj mov noj thiaj nyob taus, thiab yuav tsum muaj tsoostsho hnav, txojsia tsimtxiaj dua mov noj, thiab lub cev tsimtxiaj dua tej tsoostsho hnav.

Mathais 6:31-33

31Nej tsis txhob txhawj hais tias, yuav mus nrhiav dabtsi los noj, los haus, thiab los hnav. (32Cov neeg tsis hwm Vajtswv niajhnub nrhiav tej no.) Nej Leejtxiv tus uas nyob saum Ceebtsheej yeej paub lawm hais tias, nej yuav tsum muaj tej no huv tibsi. 33Tiamsis nej yuav tsum xub cia Vajtswv kav nej lub siab, thiab nej yuav tsum ua raws li Vajtswv lub siab nyiam tso, Vajtswv mam li muab tej no ntxiv rau nej.