• 27 Ahiyas uas yog xeem Ixakhas tus tub Npasas ntxeev siab rau Nadas, thiab tua Nadas povtseg thaum Nadas, thiab Nadas cov tubrog tabtom tua lub nroog Kinpethoos hauv Filitees tebchaws. 28Zaj xwm no muaj thaum xyoo peb, suav txij li hnub Axas sawv ua vajntxwv kav Yudas tebchaws los. Npasas sawv ua vajntxwv kav Ixayees tebchaws hloov Nadas chaw. (1vajntxwv 15:27-28) • 33Thaum Axas ua vajntxwv kav Yudas tebchaws tau ob xyoos, xyoo peb Ahiyas tus tub Npasas sawv ua vajntxwv kav Ixayees tebchaws. Nws nyob hauv lub nroog Thizas kav tau neesnkaum plaub xyoos. 34Nws ua li vajntxwv Yelaunpau-as uas xub ua vajntxwv ua ntej nws ua. Nws ua txhaum tawmtsam tus TSWV, thiab coj ib tsoom neeg Ixayees ua txhaum. (1vajntxwv 15:33-34)

• 5Lwm yam haujlwm uas Npasas ua, thiab tej uas nws ua siab tawv ua, luag muab teev tseg cia rau hauv phau ntawv npe hu ua cov neeg Ixayees tej vajntxwv lub keebkwm. 6Npasas tuag, luag muab nws lub cev faus rau hauv lub nroog Thizas. Nws tus tub Elas sawv ua vajntxwv hloov nws chaw. (1 vajtxwv 16:5-6)

• 25Thaum Axas ua vajntxwv kav Yudas tebchaws tau ib xyoos, xyoo ob vajntxwv Yelaunpau- as tus tub Nadas sawv ua vajntxwv kav Ixayees tebchaws. Nws ua vajntxwv kav tau ob xyoos. 26Nws ua txhaum tawmtsam tus TSWV, thiab coj ib tsoom neeg Ixayees ua txhaum ib yam li nws txiv ua. (1 vajtxwv 15:25-26) • 31Lwm yam haujlwm uas Nadas ua, luag muab teev tseg cia rau hauv phau ntawv npe hu ua, cov neeg Ixayees tej vajntxwv lub keebkwm. 32Vajntxwv Axas tus uas kav Yudas tebchaws, thiab vajntxwv Npasas tus uas kav Ixayees tebchaws pheej sib tua tsis tseg mus tas lub sijhawm nkawd ua vajntxwv kav ntawd. (1 vajtxwv 15:31-32)

• 8Thaum Axas ua vajntxwv kav Yudas tebchaws tau neesnkaum tsib xyoo, xyoo neesnkaum rau, Npasas tus tub Elas sawv ua vajntxwv kav Ixayees tebchaws. Nws nyob hauv lub nroog Thizas kav tau ob xyoos. 9Zeelis uas yog nws ib tug thawj tubrog tswjhwm nws ib nrab tubrog tsav tsheb nees ua rog, ntxeev siab tawmtsam nws. Muaj ib hnub Elas tabtom qaug cawv hauv Azas lub tsev hauv lub nroog Thizas. Azas yog tus uas saib xyuas vajntxwv tej vajtse. 10Zeelis mus hauv Azas tsev, nws cia li tua kiag Elas povtseg, thiab sawv ua vajntxwv hloov Elas chaw. Muaj tej xwm no thaum xyoo neesnkaum xya, suav txij li hnub Axas sawv ua vajntxwv kav Yudas tebchaws los. (1 vajntxwv 16:8-10)

• 15Thaum Axas ua vajntxwv kav Yudas tebchaws tau neesnkaum rau xyoo, xyoo neesnkaum xya Zeelis nyob hauv lub nroog Thizas kav Ixayees tebchaws tau xya hnub. ( 1 vajntxwv 16:15 )

• 16Thaum lawv hnov xov hais tias, Zeelis ntxeev siab tawmtsam vajntxwv, thiab tua vajntxwv povtseg, tamsim ntawd lawv tsa kiag Aulis tus uas yog lawv tus thawj tubrog ua vajntxwv kav Ixayees tebchaws. • 17Aulis thiab nws ib tsoom tubrog tawm hauv lub nroog Kinpethoos mus tua lub nroog Thizas. • 18Thaum Zeelis pom hais tias, lub nroog poob rau Aulis lawv lawm, nws khiav mus hauv lub yeej uas nyob puag hauv vajntxwv nruabnrog tsev, thiab hlawv tej tsev. Hluavtaws kub nws tuag rau hauv. ( 1 vajntxwv 16:16-18 )

• 23Thaum Axas ua vajntxwv kav Yudas tebchaws tau pebcaug xyoos, xyoo pebcaug ib Aulis sawv ua vajntxwv kav Ixayees tebchaws. Nws ua vajntxwv kav tau kaum ob xyoos. ( 1 vajntxwv 16:23 ) • 28 Aulis tuag, luag muab nws lub cev faus rau hauv lub nroog Xamalis. Nws tus tub Ahaj sawv ua vajntxwv hloov nws chaw. (1Vajntxwv 16:28)

• 28 Aulis tuag, luag muab nws lub cev faus rau hauv lub nroog Xamalis. Nws tus tub Ahaj sawv ua vajntxwv hloov nws chaw. (1Vajntxwv 16:28). • 40Thaum Ahaj tuag lawm, Ahaj tus tub Ahaxaiyas sawv ua vajntxwv hloov nws chaw. (1 vajntxwv 22:40)

• 40Thaum Ahaj tuag lawm, Ahaj tus tub Ahaxaiyas sawv ua vajntxwv hloov nws chaw. (1 vajntxwv 22:40) • 51Thaum Yehauxafas ua vajntxwv kav Yudas tebchaws tau kaumrau xyoo, xyoo kaumxya Ahaj tus tub Ahaxaiyas sawv ua vajntxwv kav Ixayees tebchaws. Nws nyob hauv lub nroog Xamalis kav tau ob xyoos. 52Nws ua txhaum tawmtsam tus TSWV, nws coj raws li nws txiv Ahaj tus cujpwm phem, coj raws li nws niam Yexanpees, thiab vajntxwv Yelaunpau-as tus uas coj ib tsoom neeg Ixayees ua txhaum tus cujpwm. 53Nws teevtiam Npa- as, nws ua rau tus TSWV uas yog ib tsoom neeg Ixayees tus Vajtswv tsiv siab, ib yam li nws txiv twb ua los lawm. (1 vajntxwv 22:51-53)

• Ahaxaiyas tsis muaj tub, Yog li ntawd, nws tus kwv Tsaulas thiaj li sawv ua vajntxwv hloov nws chaw. Thaum Yehauxafas tus uas yog vajntxwv kav Yudas tebchaws, tus tub Tsehaulas sawv ua vajntxwv kav tau ib xyoos lawm, xyoo ob Tsaulas sawv ua vajntxwv kav. (2 vajntxwv 1:17) • Thaum Yehauxafas ua vajntxwv kav Yudas tebchaws tau kaumxya xyoo, xyoo kaumyim, Ahaj tus tub Tsaulas sawv ua vajntxwv kav Ixayees tebchaws. Nws nyob hauv lub nroog Xamalis kav tau kaum ob xyoos. (2 vajntxwv 3:1)