Thaum Daviv tua Kaulias tuag, tomqab ntawd: Xa-us tsa Daviv ua ib tug thawjrog saib xyuas Xa- us tej tubrog. Tej tubrog thiab tej thawjrog puavleej pom zoo tagnrho huv tibsi.

3 Cov neeg Ixayees ib tsoom thawjcoj tuaj cuag vajntxwv Daviv hauv lub nroog Henploos. Daviv cog lus khov kho nrog lawv sib raug zoo. Lawv muab roj hliv ywg Daviv taubhau thiab tsa nws ua haivneeg Ixayees tus vajntxwv. 4 Thaum Daviv sawv ua vajntxwv kav, nws hnubnyoog muaj pebcaug xyoo, thiab nws kav tebchaws tau plaubcaug xyoo. 5 Nws nyob hauv lub nroog Henploos kav Yudas tebchaws tau xya xyoo thiab rau hli. Nws nyob hauv lub nroog Yeluxalees kav tagnrho Ixayees tebchaws thiab Yudas tebchaws tau pebcaug peb xyoos.

10 Tomqab ntawd, vajntxwv Daviv tuag. Luag muab nws faus rau hauv lub nroog Yeluxalees uas yog Daviv lub nroog. 11 Nws ua vajntxwv kav ib tsoom neeg Ixayees tau plaubcaug xyoo. Nws nyob hauv lub nroog Henploos kav tau xya xyoo, nyob hauv lub nroog Yeluxalees kav tau pebcaug peb xyoos

Mikhas yog Xa-us tus ntxhais ntxawm. Xa- us muab rau Daviv yuav ua nws pojniam. Tiamsis tomqab no Xa-us ho muab Mikhas rau La-ees tus tub Phathis uas nyob hauv lub nroog Kalees yuav lawm. 1 Xamuyees 25:44

13 Daviv teb hais tias, Zoo. Kuv yuav nrog koj sib cog lus, tiamsis koj yuav tsum xub ua ib yam rau kuv tso. Thaum koj tuaj cuag kuv, koj yuav tsum coj Xa-us tus ntxhais Mikhas nrog koj tuaj. 14 Daviv txib neeg xa lus mus rau Inposes thiab. Daviv hais tias, Koj cia li xa Mikhas uas yog kuv tus pojniam rov rau kuv. Kuv twb muab ib puas leej neeg Filitees tej daim tawvnoov tuaj ua nqi tshoob yuav Mikhas lawm. 15 Inposes txawm txib neeg mus coj Mikhas tawm hauv La-ees tus tub Pati-ees, uas yog Mikhas tus txiv lub tsev mus. 16 Pati-ees raws quaj raws quaj nrog Mikhas tuaj txog hauv lub nroog Npahulees. Tiamsis thaum Anaws hais kom nws rov qab mus tsev, nws txawm rov mus.

23 Xa-us tus ntxhais Mikhas ib txwm muaj tsis taus menyuam. 2 Xamuyees 6:23

Anpikes yog Nanpas tus pojniam, tus uas yog cov neeg nyob hauv lub nroog Kamees. Thaum Nanpas tuag lawm Daviv yuav nws los ua Davi tus pojniam. Anpikes yog Daviv tus niam yau. 1 Xamuyees 25:39-42

43 Daviv twb yuav Ahinau-as uas nyob hauv lub nroog Yexalees ua Daviv pojniam lawm, tus uas yog cov neeg nyob hauv lub nroog Yexalees. Nimno Anpikes yog Daviv tus niam yau. 1 Xamuyees 25:43

Ma-akhas yog vajntxwv Thamais uas kav lub nroog Kesaws tus ntxhais. 2 Xamuyees 3:2

24 Tomqab ntawd, Daviv nplij Npaxenpas tus uas yog Daviv tus pojniam siab. Nws nrog nws pojniam pw. Nws pojniam rov xeeb menyuam thiab yug tau ib tug metub. Daviv muab tis npe hu ua Xalaumoos . Tus TSWV hlub tus metub no, 25 Vajtswv thiaj li txib Nathas tus uas yog ib tug cev Vajtswv lus tuaj tis npe rau tus metub hu ua Yedidiyas , rau qhov tus TSWV hlub tus metub ntawd heev. (2 Xamuyees 12:24-25).

38 Tomqab ntawd Zados, Nathas, Npenaiyas, thiab ib tsoom tubrog uas zov vajntxwv Daviv kom Xalaumoos caij vajntxwv Daviv tus zag. Sawvdaws xa nws ua npoj ntws mus lawm nram lub qhov dejcag Kihoos. 39 Zados muab cov roj txiv ntseej hauv tus TSWV uas yog Vajtswv lub Tsev Sibntsib los hliv ywg rau Xalaumoos taubhau. Thaum lawv tshuab raj nrov qogqees, ib tsoom pejxeem txawm qw ntshu nrooj hais tias, Thov kom vajntxwv Xalaumoos tsuas muaj vammeej mus txhiab niaj puas xyoo. 40 Tomqab ntawd sawvdaws nrog Xalaumoos rov qab los, lawv tshuab raj nplaim nrov qogqees khosiab zim, thiab qw ntshu nrooj ua rau av qeeg nkaws.

Daviv tus pojniam Npaxenpas uas yog vajntxwv Ami-ees tus ntxhais yug plaub leeg tub rau Daviv, lawv muaj npe hu li no:- Simias, Saunpas, Nathas, thiab Xalaumoos. 1 Xwmtxheej 3:5

5-6Thaum Axaloos tuag lawm, Daviv cov tub uas nimno tseem ua neej nyob, Adauniyaj yog tus hlob sawvdaws. Nws yog ib tug tub zoonraug heev. Nws niam yog Hakis. Daviv yeej ib txwm tsis cem nws hlo li. Nws xav sawv ua vajntxwv heev. Nws npaj tsheb thiab nees rau nws caij, thiab tsibcaug leej tubrog nrog nws nyob ua ke. 7Nws mus sablaj rau Tsau-as (Tsau-as niam npe hu ua Xeluyas), thiab sablaj rau Anpiathas uas yog tus povthawj. Nkawd zoo siab tuaj nws tog. 8Tiamsis Zados uas yog tus povthawj, Yehauyadas tus tub Npenaiyas, Nathas uas yog tus ib tug cev Vajtswv lus, Sime-is, Le-is thiab tej tubrog uas zov Daviv lawv tsis kam tuaj Adauniyaj tog.

Ma-akhas tus tub Akhis uas ua vajntxwv kav lub nroog Kas.